اندونیزیا رسميلری کوچلی یاغینگرچیلیک سببلی کۉچکی عاقبتیده بېدرَک یۉقالگن 32 کیشینی قیدیریش-قوتقریش ایشلری تۉختهب قالگنینی و اۉلگنلر سانی 34 نفرگه یېتگنینی معلوم قیلدی.
رویترز آژانسی بوگون چهارشنبه، 28-جنوری اندونیزیا رسميلریگه تهیهنیب خبر بېریشیچه، کۉچکی شنبه کونی تانگده غربي باندونگ حدودیدهگی پاسیر لانگو قیشلاغیده یوز بېرگن.
مذکور قیشلاق تاغلی حدودده جایلشگن بۉلیب، اندونیزیا پایتختی جاکارتا شهریدن تخمیناً 100 کیلومتر جَنوبی-شرقده جایلشگن.
اندونیزیا فوق العاده وضعیتلرنی باشقریش آژانسی شوندهی دېدی: «بوگون اېرتهلب کۉچکی یوز بېرگن منطقهده یامغیر یاغماقده، بیراق برچه قوتقروو کوچلری عملیاتنی دوام اېتتیریشگه تیار و قولهی وقتنی کوتماقده.»
آژانس معلوماتیگه کۉره، اۉلگنلر سانی آلدینگی 20 نفردن 34 نفرگه آشگن.
شونینگدېک، اوشبو حادثهده 23 کیشی امان قالگن.
اندونیزیا حربي-دېنگیز کوچلری سهشنبه کونی چېگرهنی قیدیریش بۉییچه مشغولاتلر وقتیده 23 نفر عسکر هلاک بۉلگنینی اعلان قیلدی، بیراق اوشبو عسکرلر ینگی اعلان قیلینگن قربانلر ترکیبیگه کیرهدیمی یاکه یۉقمی حاضرگچه نامعلوم.
