بیرلشگن ملتلر تشکیلاتینینگ افغانستان بۉییچه مخصوص امانی جمغرمهسی لوگزامبورک تامانیدن۲.۳میلیون دالر مقداریده یاردم اجرهتیلگنینی معلوم قیلدی.
جمغرمه چهارشنبه کونی، ۸- دلو، اعلام قیلگن بیاناتیده اوشبو یاردم اوچون منّتدارلیک بیلدیرگن.
بیرلشگن ملتلر تشکیلاتینینگ افغانستان بۉییچه مخصوص امانی جمغرمهسی اوشبو یاردملر اساسي خدمتلر کۉرسهتیشنی کېنگیتیریش همده کېلهجک اوچون اقتصادي و اقلیمي برقرارلیکنی مستحکملشگه خدمت قیلیشینی تأکیدلهگن.
شونینگدېک، بیرلشگن ملتلر تشکیلاتینینگ بشردوستانه یاردملرنی موافقلشتیریش باشقرمهسی (اوچا) هم تیناوون ناروی تامانیدن افغانستانگه قریب بیر میلیون دالر یاردم اجرهتیلگنی حقیده خبر بېرگن.
بوندن آلدین ایتالیا و سویدن هم افغانستانگه مالي بشردوستانه یاردم اجرهتیلیشینی اعلان قیلگن اېدی.
اوچا معلوماتیگه کۉره، ۲۰۲۶-ییلده افغانستانلیکلرنینگ بشردوستانه احتیاجلرینی قاندیریش اوچون تخمیناً۱.۷۰میلیارد دالر مبلغ طلب اېتیلهدی.
