بیرلشگن ملتلر تشکیلاتی تامانیدن تشکیل اېتیلگن افغانستان مخصوص امانی صندیغی تورکيهنینگ اوشبو جمغرمهگه ۵۰۰ مینگ امریکا دالری یاردم بېرگنینی معلوم قیلدی.
جمغرمه بوگون (چهارشنبه،۸ دلو) ایکس اجتماعي ترماغیده اعلان قیلگن پُستیده تورکيهگه اوشبو یاردم اوچون منّتدارلیک بیلدیرگن.
افغانستان مخصوص امانی صندیغینینگ ایتیشیچه، بو مبلغ ضرور خدمتلرنی کۉرسهتیشنی کېنگهیتیریش، شونینگدېک قَیتیب کېلگنلر و ایچکی کۉچیریلگن شخصلر اوچون اقتصادي همده اقلیمي برقرارلیکنی مستحکملشگه یاردم بېرهدی.
جاري ییلده افغانستانده۲۱.۹میلیون کیشی انسانپرورلیک یاردمینی طلب قیلماقده.
بیرلشگن ملتلر تشکیلاتی معلوماتیگه کۉره، انسانپرورلیک تشکیلاتلری۱۷.۵میلیون کیشیگه یاردم کۉرسهتیشنی اوستوار دېب بېلگیلهگن و بونینگ اوچون۱.۷۲میلیارد امریکا دالری ضرور.
ضعیف قتلملر آرهسیده ایران و پاکستاندن دیپورت قیلینگن اَیریم مهاجرلر هم بار.
بوندن تشقری، مملکتدهگی ضعیف اهالی ترکیبیگه سېل و زلزله کبی طبيعي آفتلر عاقبتیده اوی-جاییدن اَیریلیب، کۉچکین بۉلیب قالگن شخصلر هم کیرهدی.
