طالبان نظارتیدهگی هرات شهر حاکمیتی و پولیس قوماندانلیگی تیناوون چهارشنبه، 8 دلو، شهر تاریخي مصلای مجموعهسی منارهلری آرهسیدن اۉتووچی یۉلنی ترانسپورت حرکتی اوچون قَیته آچدی.
اوشبو یۉل سۉنگگی 15 ییل دوامیده مصلانینگ تاریخي قالدیقلری و منارهلرینی محافظه قیلیش مقصدیده یاپیق بۉلیب کېلگن اېدی.
مذکور قرار هرات مصلا منارهلری و تاریخي مجموعه قالدیقلریگه ضرر یېتیشی ممکنلیگی حقیدهگی خواطرلرنی کوچهیتیردی. تېموريلر دوریدن میراث بۉلیب قالگن بو منارهلر هرات شهرینینگ مهم رمزلریدن بیری و افغانستان نینگ مشهور تاریخي یادگارلیکلری حسابلنهدی.
یۉل «هرات کۉچهسی» یقینیده جایلشگن. بو کۉچه بۉییده هراتلیک اۉزبېک شاعری و دولت اربابی علیشېر نوايی دفن اېتیلگن. نواي اوشبو کۉچهنی تعریفلب شوندهی دېگن:
«فانی جنتی فردوس سری یۉل ایزلر اېکن،
انیق بیل که، او هرات کۉچهسیدیر.»
