اروپا اتفاقی و ویتنام اۉزارا مناسبتلرینی «کېنگ قمراولی ستراتیژیک شریکلیک» درجهسیگه کۉترگنینی اعلام قیلدی. بو دیپلوماتیک علاقهلرنینگ اېنگ یوقاری درجهسی حسابلنهدی.
اسوشیتدپرس اخباراتیگه کۉره، بوگون پنجشنبه، 29-جنوری، مذکور قرار امریکا نینگ جهانی مالی تیزیمگه تأثیر کۉرسهتهیاتگن باجخانه باسیمی سبب یوزهگه کېلگن اقتصادي بېقرارلیکلر یانیده، تامانلرنینگ تجارت علاقهلرینی قَیته ماسلشتیریشگه اورینیشلری دایرهسیده قبول قیلینگن.
اروپا کېنگشی رئیسی آنتونیو کوستا اوشبو مناسبتلر یوکسهلتیریلیشی اروپا اتفاقینی امریکا، چین و روسيه بیلن بۉلگن دیپلوماتیک علاقهلری بیلن بیر درجهگه آلیب چیقیشینی ایتدی. او شوندهی دېدی: «قاعدهلرگه اساسلنگن خلقارا ترتیب بیر نېچه تاماندن تهدید آستیده قالهیاتگن بیر پیتده، بیز ایشانچلی و آلدیندن بشارت قیلینهدیگن شریکلر صفتیده بیرگه توریشیمیز کېرهک.»
ویتنام جمهور رییسی لوئونگ کوئونگ اېسه بو قرارنی ایکّی تامانلهمه مناسبتلر تاریخیدهگی «تاریخي بوریلیش نقطهسی» دېب بهالهدی.
ایتیش کېرک که، اروپا اتفاقی و ویتنام 2020-ییلده اېرکین تجارت تۉغریسیدهگی کېلیشوونی امضالهگن اېدی.
