ایران اسلامی جمهوریتینینگ جمهور باشلیغی مسعود پزشکیان، بوگون سهشنبه ۱۴ – دلو، اۉزینینگ ایکس صحیفهسیده یازگن بیاناتیده، امریکا بیلن مذاکره اۉتکزیلیشی خصوصیده قرار قیلگنیدن خبر بېردی.
ایران جمهور باشلیغی، بو قرارنی منطقه مملکتلرینینگ تکلیفی اساسیده آلگنینی هم بیلدیردی.
پزشکیان تامانیدن نشر اېتیلگن بیاناتده، بو خصوصده ایران تشقی ایشلر وزیریگه بویروغ بېریلگنی بیلدیریلگن.
ایران جمهور باشلیغی، اوشبو مذاکره اۉتکزیلیشی خصوصیده شرط قۉییلگنینی هم اعلام قیلدی.
اونگه کۉره، ایران هیاتی امریکا تامانیدن تهدید همده منطقسیز شرایطلر بۉلمهگن حالده مذاکره اۉتکزیلیشی اوچون زمینه یرهتیشی ممکن دیر.
دیمک حاضرگچه بو مذاکره قندهی اۉتکزیلیشی بیللی اېمس.
ایتیش کېرهک که سونگی کونلرده، ایران و امریکا اۉرتهسیدهگی تارتیشوولر جدیلشیب، امریکا جمهور باشلیغی دونالد ترامپ، ایرانگه قرشی حربی هجوم قیلیشدن آگاهلنتیریب کېلماقده دیر.
