امریکا جمهور باشلیغی دونالد ترامپ، دوشنبه کونی ینگی دهلی بیلن سوداگرلیک ساحهلریده کېلیشگنیدن خبر بېریب، هند تجارتی ماللریگه قۉییلگن تعرفهلرنی ۵۰ فاییزدن ۱۸ فاییزگه کمهیتیریشینی ایتگن.
اوشبو کېلیشووده شونینگدېک هند اولکهسیدن روسیهدن ساتیب آله یاتگن نفت مادهلرینی تۉختهتیشی کوتیلگن.
دونالد ترامپ اوشبو بیاناتنی، هند اولکهسینینگ باش وزیری نرندرا مودی بیلن علاقه قوریب کېلیشگنیدن سۉنگ اجتماعی ترماغلرده ترقتیب، هند موندن بویان نفت مادهلرینی ونزوئلادن ساتیب آلیشینی ایتگن.
دېمک، امریکا بوندن آلدین نفت مادهلرینی روسیهدن ساتیب آلگنی اوچون هند اولکهسیگه ۲۵ فایز قۉشمه تعرفه کۉپهیتیرگن اېدی؛ بیراق آق اوی رسمیلریدن بیری بو تعرفه بېکار قیلینیشینی ایتگن
