ایران جمهور باشلیغی مسعود پزشکیان، بو مملکت بیلن امریکا قۉشمه ایالتلری اۉرتهسیدهگی مذاکرهلر حقیدهگی ینگی بیاناتیده، ایران، امریکا و اروپانینگ حددن تشقری طلبلریگه بۉیین اېگمسلیگینی بیلدیردی.
پزشکیاننینگ ایتیشیچه، ایران و امریکا مذاکرهلری نتیجهگه اېریشیشی برابریده اروپا و امریکانینگ ایشانچسیزلیکلری جدی تۉسیق یرهتگن.
ایران جمهور باشلیغی بو مسالهنی، اوشبو مملکت اسلامی انقلابی غلبهسینینگ ۴۷ – ییللیگی مناسبتی بیلن اۉتکزیلگن احتفالده نطق سۉزلب، تیلگه آلگن.
شونینگدېک ایران جمهور باشلیغی، ترکیه، آذربایجان، قطر، امارات، پاکستان، عربستان و مصر مملکتلریدن ایراندن بۉلگن حمایهلریدن منتدارلیک بیلدیرگن.
عینی حالده ایران جمهور باشلیغی، دیپلوماسی یۉلینی تَنلگنینی بیلدیریب، ایران بوتون دنیا بیلن هم مذاکره قیلیشده تیار دېب معلوم قیلدی.
ایتیش کېرهک که ایران و امریکا اۉرتهسیده اۉتگن جمعه عمانده مذاکره اۉتکزیلدی.
عمان پایتختی مسقط شهریده بو مملکت واسطهچیلیگیده اۉتکزیلگن اوشبو مذاکرهنینگ یکونی نتیجهسی هلی بېللی اېمس.
