تورکیهنینگ استانبول شهریده بیر ییغین اۉتکزیلیب، آذربایجان مملکتینینگ سرمایه یاتقیزیش امکانیتلری محاکمه قیلیندی.
دېمک اوشبو ییغین استانبول سودا اتاقی میزبانلیگیده «آذربایجانگه قرهتیلگن سرمایه یاتقیزیش امکانیتلری سمیناری» عنوان آستیده تشکیل اېتیلیب، سوداگر و تدبیرکارلر همده تورکیه و آذربایجان دولتلرینینگ وکیللری اشتراک اېتگن.
ییغینده، آذربایجان سرمایه یاتقیزیشی اوچون ترغیبات امتیازلر همده تورکیهلیک کمپنیهلر آذربایجانده فعالیت اوچون بۉلگن شرایطلر بحث اېتیلگن.
ییغیننی یقیندن اۉرگنیب چیققن اۉزبېک تیوی ژورنالیستی بو سمینارده، تورک دولتلریدهگی سرمایه و سودا مسالهسی هم بحث اېتیلگنینی معلوم قیلهدی.
ایتیش کېرهک که تورکیه و آذربایجان تورلی ساحهلر اینیقسه سیاسی و اقتصادی ساحهلرده اۉز-ارا اېنگ یخشی مناسبتده بۉلگن مملکتلردن دیر و سۉنگی ییللرده بو مملکتلر مناسبت و همکارلیکلرینی تورکی دولتلر تشکیلاتی دایرهسیده هم کېنگهیتیریشده اولگورماقده دیر.
