ظهیرالدین محمد بابر، بویوک سیاستمدار و دولت اربابی, ادیب و ییتوک شاعر بۉلگن. بابر, حیاتی آقیمیده انچه قیمت بها اثر یره تگن. اینقسه «بابر نامه» دیک عجایب قیمت بها, علمی و تاریخی اثر یازیب, قالدیرگنلیگی باعث, کۉپلب عالم و تدقیقاتچیلر نینگ دقتی مرکزیده بۉلگن.
بابر، سیاست و دولتمدارلیک ماجرالریگه قرهمهی ,بیر لحظه هم ایجاد قیلیشدن قۉل تارتمهگن. اونینگ اوشبو ایزچیللیگی, علم و ادبیاتگه بۉلگن حرمتی بیر قنچه, علمی ادبی اثرلرنینگ یرهتیلیشیگه سبب بۉلدی.
بابر، دیېرلی برچه اثرلرینی اۉزبیک تیلیده یازیگنلیگی باعث, او نینگ اۉزبېک ادبیاتیده اولوشی سلماقلی بۉلیب, اۉزبېک ادبیاتی تاریخیده, ییتوک و پارلاق سیمالر قطاریدن اۉز اۉرینینی آلگن.
علمی و تاریخی منبعلرگه کۉره؛ بابر اوشبو اثرلر نینگ مولفی دیر:
1ـ بابر نامه/توزوک بابری
2ـ شعرلر دیوانی
3ـ والدیه رسالهسی
4ـ مبین رسالهسی
5ـ عروض رسالهسی
6ـ اوروش فنی حقیدهگی رساله
7ـ اسرار موسیقی رسالهسی
8ـ نوایی نینگ تورت دیوانیدن, شعری بحرلر اساسیده سیلنگن توپلمی
9ـ خط بابری
بو اۉرینده «بابرنامه», «شعرلر دیوانی», «عروض», «والدیه» و «مبین» رسالهلری کۉپ ییللردن بیری عالملرگه معلوم بۉلیب, او نینگ متنی ترجمهدن کېین, تورلی اولکهلرده چاپ اېتیلگن. شو ترتیب کتاب خوانلر نینگ اعتباریگه حواله قیلینگن. بابر میرزا «بابرنامه»ده یازیشیچه، او بو یازووینی 910 ییلی کابلده اختراع قیلگن. بیراق, اوروش و موسیقی حقیدهگی یازیلگن اثرلری, همده نوایی شعرلریدن تنلنگن تۉپلمی بیزگه یېتیب کیلمهگن. لیکن، اسرار موسیقی رسالهسی, شرقی تورکستان/اویغورستان نینگ گاشغر کتابخانهسیده تاپلیب, بو اثرنینگ قۉل یازمهسی بارلیگی معلوم بۉلگن و چاپ اېتیلگن.
بابر ینه بیر اثر, یعنی اونینچی اثر نینگ هم مولفی دیر. بو اثر شعر مصطلحاتی حقیده تالیف اېتیلگن. اثر نامی حاضرگچه انیق بۉلمسلیگی سبب، تدقیقاتچیلریمیز «مصطلحات» یا « شعر مصطلحاتی» دېب ناملهگنلر. اثر بارلیگینی, یلغوزگینه بابردن بیزگچه یېتیب کېلگن نامه متنی بیلدیرهدی. او نینگ قۉل یازمهسی دنیا کتابخانهسی نینگ قیسی بیریده اېکنلیگی نامعلوم.
جسور حکمدار , شاعر و یازووچی بۉلگن ظهیرالدین محمد بابرنینگ اثرلری, تاریخده ابدی قالهدی.
روحی شاد و خاطرهسی دایما منگو یشهسین.
