طالبان صناعت و تجارت وزیرلیگینینگ اعلام قیلیشیچه، افغانستان و اۉزبېکستان سوداگرلری اۉرتهسیده ۳۰۰ میلیون دالر ارزشگه اېگه کېلیشوو امضالنگن.
بو حقده نشر اېتیلگن معلوماتگه کۉره، اوشبو شرطنامهلر اۉزبېکستان و افغانستان اۉرتهسیده اۉتکزیلگن اقتصادی قوشیلیش کنفرانسی دایرهسیده امضالنگن.
بو کنفرانسده، طالبان صناعت و تجارت وزیری نورالدین عزیزی، اۉزبېکستاننینگ سِردریا ولایتی حاکمی ایرکینجان توردیموف همده طالباننینگ باشقه رسمیلری و تدبیرکارلر اشتراک اېتگن.
ایتیلیشیچه بو کنفرانسده، ایکّی تامان اۉرتهسیده ۲۵ شرطنامه امضالنگن.
طالبان صناعت و سوداگرلیک وزیرلیگی معلوماتی اساسیده ایکّی تامان اۉرتهسیده امضالنگن بو شرطنامهلر، قوریلیش، ایکینچیلیک، تلیفون، کییم-کیچک، آزیق-آوقت و مبل و دارو ساحهسیده دیر.
شونینگدېک طالبان صناعت و سوداگرلیک وزیرلیگی ایکّی تامان اقتصادی همکارلیکلر کوچهیشینی هم تاکید قیلگنینی معلوم قیلگن.
