روسیه و اوکراین نمایندهلری اۉرتهسیدهگی نوبتدهگی تینچلیک مذاکرهلری امریکا واسطهچیلیگیده سویسده اۉتکزیلگن.
امریکا قۉشمه ایالتلری جمهور باشلیغی دونالد ترامپنینگ یقین شرق مسالهسی بۉییچه مخصوص وکیلی استیو ویتکاف، بو مذاکرهلرنی یخشی بهالهگن.
ویتکافگه کۉره، مذاکره تامانلری سۉزلشوولرینی دوام اېتیریش خصوصیده کېلیشیب آلگنلر.
اوشبو مذاکره شوندهی بیرحالده اۉتکزیلماقده دیر که اخیرگی کونلرده روسیه و اوکراین حربیلری بیر-بیراویگه قرشی هجوملرنی ینه بیربار جدیلشتیریب بیر قنچه هجوملرنی عملگه آشیرگن.
عین حالده اۉتگن ایکّی ییل دوامیده اوکراین اوروشی یکونلنیشی مقصدیده بۉلگن دیپلوماتیک اینتیلیشلر هم حاضرگچه ایجابی نتیجه بېرمهی اوروش همان دوام اېتماقده.
یقینده امریکا قۉشمه ایالتلرینینگ تشقی ایشلر وزیری مارکو روبیو، اوکراین اوروشی خصوصیده کېلیشووگه اېریشیلیشی اهمیتنی تاکیدلهدی؛ بیراق روبیو امریکا بو کېلیشوو هیچ تامانگه مجبوری قبول قیلدیرمهیدی دېب بیلدیردی.
