بریتانیا باش وزیرلیگینینگ اعلام قیلیشیچه بو مملکت باش وزیری کییر استارمر، امریکا قۉشمه ایالتلرینینگ جمهور باشلیغی دونالد ترامپ بیلن تلیفونی گپلشگن.
بو حقده نشر اېتیلگن معلوماتگه کۉره، اوشبو ملاقاتده ایران بیلن امریکا نمایندهلری اۉرتهسیدهگی هستهای مذاکرهلر خصوصیده فکر المشتیریلگن.
نشر اېتیلگن بیاناتده، اوشبو مذاکره خصوصیده انیق نیمه قرار محاکمه قیلینگنی خصوصیده تفصیلات بېریلگن اېمس.
ایتیش کېرهک که ایران و امریکا وکیللری اۉز-ارا نوبتدهگی مذاکرهلرینی اۉتگن کون جنیوا شهری میزبانلیگیده اۉتکزدی.
حاضرگچه اوشبو مذاکره نتیجهسی بېللی اېمس، بیراق بو مذاکرهنینگ واسطهچیسی بۉلمیش عمان تشقی ایشلر وزیری مذاکره یخشیلیک بیلن یکونلنگنینی اعلام قیلگن.
ایران و امریکا نمایندهلری اۉرتهسیده مذاکره شوندهی بیرحالده اۉتکزیلهیپتی که امریکا سۉنگّی وقتلرده ایرانگه قرشی حربی هجوم اویوشتیریشدن آگاهلنتیریب کېلماقده.
