امریکا قوشمه ایالتلری و ایران اسلامی جمهوریتینینگ وکیللری اۉرتهسیدهگی نوبتدهگی دور مذاکره بوگون جینوا شهری میزبانلیگیده اۉتکزیلیشی ریجهلشتیریلگن.
اوشبو مذاکره شوندی بیرحالده دیر که امریکا قوشمه ایالتلرینینگ ایرانگه قرشی تهدیدلری جدیلشگن.
یقینده امریکا جمهور باشلیغی دونالد ترامپ، ایران تامانیدن هستهای قورال ایشلب چیقریش جریانی قیته باشلنگنینی ادعا قیلیب، بو مملکت هستهای قورالگه قۉل تاپیشگه رخصت بېرمسلیگینی معلوم قیلدی.
ترامپگه کۉره، ایران هستهای قورالگه قۉل تاپیشی منطقه و امریکا اوچون کتته تهدید دیر.
ترامپ بو سۉزلرنی امریکا کانگرسده اۉتکزیلگن ییللیک نطقده تیلگه آلدی.
عینی حالده امریکا تشقی ایشلر وزیری مارکو روبیو هم ایران هستهای قورال ریجهسینی امریکاگه قرشی جدّی تهدید دېب بهالهگن.
بو سۉزلر شوندی بیرحالده دیر که امریکانینگ ایران هستهای قورالگه قۉل تاپمسلیگی اوچون جدّیلیگی و ایران هم بو خصوصده تیار اېمسلیگی مذاکرهلر نتیجه بېرمسلیگیگه سبب بۉلیشی خصوصیده ایشانچلرنی یرهتگن.
امریکا جمهور باشلیغی اېسه بو مذاکرهلر نتیجه بېرمهگن تقدیرده ایرانگه هجوم قیلیشیدن آگاهلنتیریب کېلماقده دیر.
