بیرلشگن ملتلر تشکیلاتی انسان حقلری کېنگشینینگ آلتمیش-بیرینچی دور ییغینی دایرهسیده بۉگون افغانستان حقیده مجلس اۉتکزیلیشی ریجهلشتیریلگن.
معلوماتلرگه کۉره، بوگون و اېرته بیرلشگن ملتلر تشکیلاتی انسان حقلری کینگشیده نوبتدهگی ییغینی دایرهسیده افغانستان مسالهسی عمومی بیر ییغین و باشقه تورلی اوچرهشوولر آرقهلی تېکشیریلدی.
بیرلشگن ملتلر تشکیلاتینینگ افغانستان انسان حقلری بۉییچه مخصوص گزارشگری ریچارد بنت هم بوگون افغانستان خصوصیده تیارلهگن گزارشینی ترقهتیشینی اعلام قیلدی.
ریچارد بنت اۉزینینگ ایکس صحیفهسیده یازیشیچه، اوشبو حسابات بوگون کابل وقتی بیلن ساعت ۱:۰۰ ده ترقهتیلهدی.
ریچارد بنت بوندن ایلگری هم افغانستان خصوصیده تورلی حساباتلرنی تیارلب، مملکتده دوام اېتیب تورگن وضعیتنی خواطرلی بیان قیلگن اېدی.
بنت یقینده هم بیر حسابات اساسیده، افغانستان خاتین-قیزلری احوالی اینیقسه اولر ساغلیق خذمتلریگه قۉل تاپیشی برابریدهگی معمالردن خواطر بیلدیرگن اېدی.
