ایران تشقی ایشلر وزیرلیگی بوگون جمعه ۸ – حوت، بو مملکت همده امریکا قۉشمه ایالتلری اۉرتهسیده اۉتکزیلگن نوبتدهگی مذاکرهنی ایجابی بهالهدی.
ایران تشقی ایشلر وزیرلیگی ایکس صحیفهسیده یازیشیچه، امریکا بیلن اۉتکزیلگن مذاکره یخشی ایلگری آلیب باریلگن.
بو وزیرلیکنینگ اعلام قیلیشیچه، مذاکرهده هستهای قورال بیلن باغلیق مسالهلر و تحریملر بېکار اېتیلیشی بۉییچه سۉزلشوولر دوام اېتیشی هم قرار قیلینگن.
دېمک ایران و امریکا وکیللری اوچینچی باسقیچ مذاکرهلرینی اۉتگن کون پنجشنبه جنیوا شهری میزبانلیگیده اۉتکزدی.
اوشبو مذاکره شوندهی بیرحالده اۉتکزیلماقده دیر که امریکانینگ ایرانگه قرشی احتمالی هجومی خصوصیده خبرلر نشر اېتیلیب تورگن.
یقینده امریکا جمهور باشلیغی و تشقی ایشلر وزیری، ایراننینگ هستهای قورال ریجهسینی امریکا اوچون تهدید دېب، بو قورالگه ایران اېریشمسلیگی اوچون رخصت بېرمسلیگینی بیلدیردیلر.
