امریکا قۉشمه ایالتلری و اسرایل اۉتگن کون ایرانگه قرشی قۉشمه حربی عملیاتلرینی کېنگ کۉلمده اویوشتیریب، جدی بیر اوروشگه اساس قۉیدی.
اوشبو قۉشمه عملیات نتیجهسیده ایراننینگ اۉنلب ییلدن بېری باشقیریب کېلهیاتگن مذهبی رهبری علی خامنهای اۉلدیریلدی.
دېمک علی خامنهای قویاش ۱۳۶۸ ییل ایران اسلامی جمهوریتینینگ بیرینچی مذهبی رهبری روح الله خمینی اۉلیمی آرتیدن، بو لوازمگه تعیینلندی و اوشبو زماندن بېری ایراننی باشقیریب کېلگن اېدی.
علی خامنهای رهبرلیگی دوامیده، ایران حکومتی، امریکا و اسراییل بیلن دشمنلیک و ترنگلیکلرنی جدی دوام بېریب، بو مملکتنینگ منطقهدهگی حضوری و حربی امکانیتلرنی ایشلب چیقریش ساحهسیدهگی کوچ و قابلیتی سېزیلرلی درجهده یوقاری کېتدی.
علی خامنهای ایران رهبری اولهراق فعالیت قیلگن دوریده بو مملکت کېنگ ناراضلیکلر و امریکا و اسراییل بیلن جدی اوروشلرنی باشدن کېچیردی و نهایت اوشبو اوروشلر عاقبتیده اۉتگن کون شنبه ۹ – حوت، امریکا و اسرایلنینگ قۉشمه هجوملری نتیجهسیده اۉزینینگ یشش بناسیده اۉلدیریلدی.
دېمک ۱۳۱۸ – ییل ایراننینگ تورکلر یشاوچی خامنه ناملی حدودیده دنیاگه کېلگن علی خامنهای، ایراننینگ شاه تیزیمیگه قرشی کورهشیب بو تیزیمنینگ آغدیریلیشیگه اساسی حصهسی بۉلگن همده بو انقلاب و ایران اسلامی جمهوریتینینگ ایلک رهبری روحالله خمینیگه یقین انسانلردن بیری بۉلیب و اونینگ شاگردی اېدی.
ایران اسلامی جمهوریتینینگ ایران و عراق اوروشی دوریده هم ۱۳۶۰ ییلدن ۱۳۶۸-ییلگچه جمهور باشلیغ اولهراق باشقریب، اوشبو زمانلرده اونگه قرشی اویوشتیریلگن پارتلش هجوم نتیجهسیده بیر قۉلی فلج بۉلیب، تیریک قالگن اېدی.
حاضر ایراننینگ کوچلی بو سیماسی وفاتی آرتیدن بو مملکت سیاسی تقدیری همده منطقه اوچون جدی خواطرلر اۉرتهگه کېلگن.
ایران اسلامی جمهوریتینینگ رسمیلری بو مملکت مذهبی رهبری اۉرنیده باشقه بیرانته تعیینلنیشیگه قدر مملکتنی اوچ کیشیلیک بیر هیات باشقیریب توریشینی معلوم قیلگن.
دېیرلی مذکور اوچ کیشی جمهور باشلیغ، قضاییه قوهسی باشلیغی و قوریقچیلر کینگشیدن بیر فقهدن عبارت دیر.
ایران اسلامی جمهوریتینینگ حربی کوچلری، بو مملکت رهبری اۉلیمی آرتیدن اۉزینینگ منطقهدهگی امریکا پایگاهلریگه قرشی هجوملرینی آرتدیریب بوگون اېرتهلبدن دبی، دوحه، تلآوی و شونگه اۉخشش باشقه بیر قنچه شهرلر اوستیگه هجوم قیلگن.
دېیرلی ایران رهبرینینگ اۉلیمی نه فقط بو مملکت ایچکی سیاسی تقدیری اوستیده تاثیر کۉرسهتیشی بلکه منطقهده ییریک بیر تۉقنهشوو و اوروشگه سبب بۉلیشی خصوصیده هم خواطرلر اۉرتهگه کېلگن.
شونینگدېک علی خامنهنی اۉلیمی، امریکا و اسراییلنینگ منطقهدهگی نفوذینی کۉپهیشیگه هم شرایط یرهتَدی دېگن ایشانچلر موجود دیر.
