خلق ارا یېتکیرمهلر تامانیدن نشر اېتیلگن خبرلرگه کۉره، اسراییل حربیلری ایران مذهبی رهبری علی خامنهای اۉلدیریلگنیدن سۉنگ هم ایرانگه قرشی هجوملر دوام اېتهیاتگنیدن خبر بېرگن.
بو حقده نشر اېتیلگن خبرلرگه کۉره، اسراییل تامانیدن ایران ایریم حدودلری اینیقسه تهران شهری ایریم قسملری نشانگه آلینگن.
اسراییل حربیلرینینگ ادعا قیلیشیچه، بو هجوملرده ایراننینگ خوفسیزلیک مرکزلری نشانگه توتیلگن.
عین حالده، اسراییلگه قرشی ایراننینگ هم هجوملری دوام اېتیب، تلآویو و باشقه بیر قنچه حدودلر نشانگه توتیلگن.
شونینگدېک ایران اسلامی جمهوریتینینگ حربیلری یقین شرقدهگی بیر قنچه باشقه مملکتلرگه هم هجوم اویوشتیرگن.
ایتیش کېرهک که یقین شرق احوالی کېسکینلشیب و بو وضعیت ایران رهبری اۉلدیریلگندن کیین ینه هم خواطرلی بیر احوالگه توشیب قالگن.
تحلیلچیلر منطقه کېنگ کۉلمده دواملی بیر اوروش تامان کېتیشی حقیده خواطر بیلدیرهدیلر.
