بیرلشگن ملتلر تشکیلاتینینگ مخصصلری نشر قیلگن بیاناتده، امریکا و اسرایلنینگ ایرانگه هجومی ناقانوني حسابلنهدی دېب قارهلهدیلر.
بیاناتده ایتیلیشیچه، بو هجوم دیپلوماتیک مذاکرهلر دوامیده و بیرلشگن ملتلر تشکیلاتی خوفسیزلیک کېنگشی رخصتیسیز عملگه آشیریلگن و بو قورال ایشلهتیش تعقیقلری، دولتلرنینگ حاکمیتی، حدودي یخلیتلیگی و بیرلشگن ملتلر تشکیلاتی نظامینینگ ۲-مادّهسیگه موافق تینچ یۉل بیلن نزاعلرنی حل قیلیش پرینسیپینی بوزهدی.
مخصصلر شونینگدېک میناب، هرمزگان قیزلر مکتبیگه، شفاخانه و اهالی زیچ مرکزلریگه هجوملرنی هم قارهلهگن.
اولرنینگ تأکیدلهشیچه: «تعلیم و ساغلیقنی سقلش مؤسسهلرینی نشانگه آلیش خلق ارا انسان حقوق و انسان حقلرینی جدّي بوزیش دیر.»
مخصصلرنینگ قۉشیمچه قیلیشیچه: «ناقانوني حربي ارهلشوو اېران خلقی طلبلریگه یېچیم صفتیده قبول قیلینمسلیگی کېرهک و کېلهجکدهگی هستوي کېلیشوو هم بو کېنگ قمراولی طلبلرنی حسابگه آلمهسه، حقیقي یېچیم بۉله آلمهیدی»
اولرنینگ آگاهلنتیریشیچه: «امریکا و اسرایلنینگ ایرانلیکلردن اۉز حکومتینی نظارت قیلیشنی طلب قیلیش چقیریقلری بېپروا و کۉپلب حیاتینی خوف آستیگه قۉیهدی»
ناقانوني حربي ارهلشوو هستوي مسأله، تروریزمگه قرشی کورهش یاکه ایران انسان حقوقلری حالتینی حل قیلیش یۉلی اېمس، بو هجوملر امریکا و اسرایلنینگ منطقهنی بېقرار قیلووچی بیر تمانلمه و ناقانوني حرکتلرینینگ بیر قِسمی حسابلنهدی دېدی متخصصلر.
اولر ایراننینگ جواب هجوملریدن، خصوصاً، فارس کۉرفزی و یقین شرقدهگی حدودلرده خواطر بیلدیرگن و تأکیدلهگن: «هر قندهی کوچ ایشلهتیش فقط ضرورت و موافقلیک تمایللریگه ماس بۉلیشی کېرهک»
متخصصلر اوروشنی درحال تۉختهتیشگه چقیرگن و هر قندهی کېینگی حرکت قانون اوستوارلیگی، اېران خلقینینگ ارادهسی و برچه تامانلرنینگ خلق ارا حقوقنی بوزیشدهگی جوابگرلیگی اساسیده عملگه آشیریلیشی کېرهکلیگینی تأکیدلهگن.
هجوملر شو هفته شنبه کونی امریکا و اسرایل تامانیدن باشلنیب، اولرده علی خامنهای و بیر قنچه یوقاری مرتبهلی ایران رسميلری بیلن بیرگه۱۰۰۰دن آرتیق کیشی هلاک بۉلگن و۶۰۰۰دن آرتیق کیشی جراحتلنگن.
ایران جوابن اسرایل شهرلریگه و منطقهدهگی امریکا حربی مرکزلریگه راکت و درون ضربهلرینی عملگه آشیرگن و اوروشنینگ آلتینچی کونیده بو هجوملر دوام اېتماقده.
