ایران جمهور رییسی مسعود پزشکیان، مملکتنینگ «وقتینچهلیک رهبریت کېنگشی» قۉشنی مملکتلرگه اېندی هجوم قیلمسلیککه قرار قیلگن، فقط اگر اوشبو مملکتلردن ایران تامان هجوم بۉلسه بوندن مستثنا دېگن.
بوگون (شنبه،۱۶ حوت) تلویزیون آرقهلی بېریلگن پیامده جمهور رییس، ایران تامانیدن هجوم قیلینگن قۉشنی دولتلردن عذر سۉرهگنینی بیلدیرگن.
اونینگ قۉشیمچه قیلیشیچه، ایران قۉشنی مملکتلرگه تجاوز قیلیشنی مقصد قیلمهگن و بو دولتلر بیر-بیریگه یاردم بېریب، تینچلیک و آسایشتهلیکنی تأمینلشی کېرهک.
امریکا و اسرایل ایراننی هجوم قیلگنیدن سۉنگ، ایران سعوديه عربستانی، بیرلشگن عرب امیرلیگی، قطر، کویت و بحریندهگی تورلی هدفلرگه هجوم قیلگن.
ایران رسميلری اېسه، بو مملکتلردهگی امریکا حربی قرارگاهلر و امریکاگه تېگیشلی مرکزلرنی مقصد قیلگنینی بیلدیرگن.
شو بیلن بیرگه، منطقه مملکتلری ایران هجوملرینی اۉز حاکمیتیگه تجاوز دېب حسابلب، جواب بېریش حقوقینی اۉزیده سقلب قالگن.
