طالبان سۉزلاوچیسینینگ اۉرین باسری حمدالله فطرت، پاکستان حربیلری تامانیدن افغانستان ایریم حدودلریده بیر قنچه هجوملر اویوشتیریلگنیدن خبر بېردی.
طالباننینگ ادعا قیلیشیچه، پاکستان حربیلری پکتیکا، پکتیا، نورستان و خوست ولایتلریده بیر قنچه هجوم اویوشتیرگنی نتیجهده اوچ کیشی تینچ اهالی جان بېریب و ینه بېش کیشی یرهلنگن.
اوشبو هجوملر اۉتگن ۲۴ ساعت دوامیده عملگه آشیریلگن.
بو حقده نشر اېتیلگن معلوماتگه کۉره، پاکستاننینگ هاوان و توپ بیلن اویوشتیرگن اوشبو هجوملری نتیجهسیده پکتیا ولایتی پتان اولسواللیگیده اوچ کیشی جان بېریب و ینه اوچ کیشی یرهلنگن.
شونینگدېک طالبان خوست ولایتیده هم پاکستان هجوملری نتیجهسیده ایکّی کیشی یرهلنگنینی معلوم قیلدی.
بوندن تشقری، طالبان سۉزلاوچیسی اۉرین باسری، پاکستان اوشبو هجوملری نتیجهسیده بیر قنچه اویلر ویران بۉلگنی و ینه اۉنلب باش مال هم تلف بۉلگنینی معلوم قیلدی.
