طالبان سۉزلاوچیسی ذبیح الله مجاهد بوگون اېرتهلب جمعه ۲۲ – حوت، نشر قیلگن بیاناتیده، پاکستان تامانیدن افغانستان ایریم ولایتلریده هوا هجوملری اویوشتیریلگنیدن خبر بېردی.
طالبان سۉزلاوچیسی معلوماتی اساسیده، پاکستان تامانیدن کابل، قندهار، پکتیکا و پکتیا ولایتلرینینگ ایریم حدودلری بمباردمان قیلینگن.
بو حقده نشر اېتیلگن معوماتلرده اوشبو هوا هجوملری عاقبتیده اۉرتهگه کېلگن قربانلیکلر حقیده انیق بیلگی بېریلگن اېمس بیراق طالبان سۉزلاوچیسی هجوملر نتیجهسیده بیر قنچه عادی اهالی جان بېرگنینی ادعاقیلگن.
شو بیلن بیرگه طالبان سۉزلاوچیسی بو هجوملر جوابسیز قالدیریلمسیلیگینی هم بیلدیرگن.
ایتیش کېرهک که طالبان و پاکستان اۉرتهسیده اوروش و تۉقنهشوولر یقین ۲۰ کوندن بیری دوام اېتماقده دیر.
حاضرگچه یوزلب کیشی ایکّی تاماندن اۉلیب و یرهلنیشیگه سبب بۉلگن اوشبو اوروش قچان و قندهی یکونلنیشی بیللی اېمس.
