تورکیه تشقی ایشلر وزیری خاقان فیدان، سعودی عربستان تشقی ایشلر وزیری فیصل بن فرحان بیلن تلیفونی ملاقات اۉتکزگن.
بو حقده نشر اېتیلگن معلوماتگه کۉره، تورکیه و سعودی عربستان بو ایکّی ییریک مقامی، ایران بیلن امریکا و اسراییلنینگ دوام اېتیب تورگن اوروشی حقیده صحبتلشگن.
اوشبو ملاقاتده، بو خصوصده انیق نیمه قرارلر آلینگنی بیللی اېمس.
ایتیش کېرهک که ایکّی هفتهدن آرتیق زمان بۉلهدی که ایران بیلن امریکا و اسراییلنینگ اوروشی دوام اېتیب کېلماقده دیر.
اوشبو وضعیت دوامیده، ایران تامانیدن سعودی عربستاندهگی امریکاگه تېگیشلی مرکزلر هم راکت هجوملری بیلن نشانگه توتیلگن. شونینگدېک ایران تامانیدن حاضرگچه کمیده اوچ راکت تورکیهگه قرهتیلیب آتیلگنی معلوم قیلینگن.
دیمک ایرانگه قرشی امریکا قوشمه ایالتلری و اسراییلنینگ قوشمه هجوملری نتیجهسیده باشلنگن اوشبو اوروش و تۉقنهشوولر، منطقهده جدّی بیر ناتینچلیکنی اۉرتهگه آلیب کېلگن.
حاضرگچه بو ناتینچلیکلر قچان و قندهی یکونلنیشی بیللی اېمس.
