امریکا قۉشمه ایالتلری جمهور رییسی دونالد ترامپ، ایرانگه قرشی اوروشده اشتراک اېتمسلیک عاقبتیدن ناتو خوفسیزلیک تشکیلاتی اعضالرینی آگاهلنتیریشیگه نسبتن، آلمان باش وزیرینینگ سۉزلاوچیسی جواب قیترگن.
تورکیهنینگ «تیآرتی» یېتکیرمهسی نشر قیلگن خبرگه کۉره، آلمان باش وزیری فریدریش مرتسنینگ سۉزلاوچیسی، ایران بیلن بۉلگن اوروش ناتوگه باغلیق ایمس دېب ایتگن.
دېمک بوندن ایلگری، دونالد ترامپ ناتو بو اوروشگه قۉشیلمهگن تقدیرده، یامان عاقبتلرگه سبب بۉلهدی دېب آگاهلنتیرگن اېدی.
ایتیش کېرهک که امریکا قۉشمه ایالتلری ناتو خوفسیزلیک تشکیلاتینینگ ییریک اعضالریدن بیری بۉلیشیگه قرهمسدن بو تشکیلات اعضالری ایران بیلن بۉلگن امریکا اوروشیگه قۉشیلگن اېمس.
شونینگدېک بوندن ایلگری، هرمز تنگهسی تازهلهنیشی خصوصیده دونالد ترامپنینگ ایریم تکلیفلری فرانسه و چین تامانیدن هم رد اېتیلگن اېدی.
فرانسه حکومتی، ترامپ بو تکلیفیگه جوابا بو مملکتنینگ اوچاق تاشووچی کېمهسی هرمز تنگهسیگه یقینلشمسلیگینی معلوم قیلگن اېدی. شو بیلن بیرگه چین هم هرمز باریکهسی ایران حاکمیتی دېب اعلام قیلگن.
