سرپل ولایتیده طالبان خوفسیزلیک کوچلری بیر کیشینی اۉغیرلیکده عیبی بیلن حبسگه آلگن.
سرپل ولایتیده طالبان امینه قومندانلیگینینگ اعلام قیلیشیچه، مذکور شخص بیر موترسایکلنی اۉغیرلهیاتگن چاغده اوشلنگن.
طالبان بو شخصنی سرپل ولایتی بیرینچی خوفسیزلیک حدودیدن اوشلهگن.
ایتیش کېرهک که سۉنگی وقتلرده، افغانستان تورلی حدودیده اۉغیرلیک واقعهلری کۉپهیگن.
اۉتگن کون هم، مزارشریف-شبرغان عمومی قتناو یۉلیده بیر کیشی قوراللی اۉغریلر تامانیدن اۉلدیریلگنی خبر قیلینگن اېدی.
شونینکدېک طالبان بوندن ایلگری، سرپل، جوزجان و فاریاب ولایتلریدن کۉپلب کیشیلرنی اۉغیرلیکده عیبلب اوشلهگن.
افغانستانده اهالینینگ اقتصادی احوالی آغیرلشگن بیر پیده اۉغیرلیک حاللری کۉپهیگنی تیلگه آلینهدی.
