بیرلشگن ملتلر تشکلاتینینگ باش کتبی آنتونیو گوترش، ۱۶-مارچ کابلده صادر بۉلگن هوا هجومینی کېسکین قارهلب، بو هجوم نتیجهسیده بیر شفاخانهده تینچ اهالی اۉلدیریلگنی و یرهلنتیریلگنی حقیدهگی خبرلردن چوقور خواطر بیلدیرگنینی ایتدی.
اونینگ تأکیدلشیچه، خلقارا انسانپرورلیک حقوققه موافق بېمارلر، طبیات خادملری و طبي مؤسسهلر، جملهدن شفاخانهلر هر قندهی شرایطده حرمت قیلینیشی و حمایه قیلینیشی شرط.
آنتونیو گوترش، اوشبو واقعه یوزهسیدن مستقل و خالص تېرگاو اۉتکزیلیشینی طلب قیلگن.
او قربانلر عایلهلریگه همدردلیک بیلدیرگن و کېسکینلیکنی کمهیتیریش همده درحال جنگاور حرکتلرنی تۉختهتیش ضرورلیگینی تأکیدلهگن.
شونینگدېک، بیرلشگن ملتلر تشکیلاتی باش کاتبی برچه تامانلرنی خلقارا حقوق دایرهسیدهگی مجبوريتلریگه، اینیقسه تینچ اهالینی حمایه قیلیشگه رعایه اېتیشگه چقیرگن.
او تامانلردن نزاعلرنی تینچ یۉل بیلن و بیرلشگن ملتلر تشکیلاتی نظامی تمایللریگه موافق مذاکرهلر آرقهلی حل قیلیشنی سۉرهگن.
کابلدهگی «امید» گیاهوندلیکدن دوالش شفاخانهسی اوشبو هفته دوشنبه کونی هجومگه اوچرهگن.
طالبلر بو هجوم اوچون پاکستاننی جوابگر دېب بیلیب، ۴۰۰ کیشی جان بېرگنی و ینه۲۵۰کیشی یرهلنگنینی ادعا قیلگن.
بیراق پاکستان بو عیبلاولرنی رد اېتیب، فقط «حربي مقصدلر و ترورچیلرگه علاقهدار تاسیساتلر» نشانگه آلینگنینی بیلدیرگن.
