بوگون مارچ آیینینگ ۲۲ – سی خلقارا سوو کونیگه تینگ.
اوشبو کون مناسبتی بیلن جهان ساغلیقنی سقلش تشکیلاتی ایکس صحیفهسیده بیر پیام یازیب، انسانلر اوچون سوو اهمیتی حقیده تاکیدلهگن.
جهان ساغلیقنی سقلش تشکیلاتینینگ تاکیدلهشیچه، آدملر تینگ ساغلیقگه اېریشیشی اوچون ساغلام سوو مهم مساله دیر.
بو تشکیلات شونینگدېک، ساغلام سوو کسللیکلر آلدینی آلیب، آدملر اینیقسه بالهلر اوچون تیریکچیلیک و امید بېرهدی دېب بیلدیرگن.
شو بیلن بیرگه، بیرلشگن ملتلر تشکیلاتینینگ تعلیم، فن و مدنیت تشکیلاتی یا ده «یونسکو»هم بیر بیانات نشر قیلیب، سوو منبعلری باشقیریلیشی بۉییچه عیاللر حصهسی اۉنملی اېکنی و اولرگه بو خصوصده شرایط یرهتیلیشی کېرهک دېب تاکیدلهگن.
یونسکوگه کۉره، دنیا بۉیلب خاتین-قیزلر عایلهلریگه سوو تامیناتی اوچون اساسی حصهسی بۉلگنیدن اېسلب، بیراق اولر سوو منبعلری باشقیریلیشی بۉییچه بۉلگن لایحهلرده اونچهلیک حضوری یۉق دېب معلوم قیلگن.
ایتیش کېرهک که اخیرگی ییللر دوامیده، افغانستان باشدن کېچیریب تورگن قورغاقچیلیک و اقلیم اۉزگریشی عاقبتلری سبب، سوو منبعلری خواطرلی بیر درجهده آزهییب، اهالیدن کۉپ قسمی ساغلام ایچیملیک سووگه اېریشیش اوچون جدی معمالر بیلن دوچ دیر.
