طالبان سۉزلاوچیسینینگ اۉرین باسری حمدالله فطرتنینگ بیلدیریشیچه، پاکستان حربیلری تامانیدن بوگون یکشنبه ۲ – حمل، کنر و پکتیکا ولایتلریده هجوم اویوشتیریلگن.
بو حقده نشر اېتیلگن معلوماتده طالباننینگ ادعا قیلیشیچه، پاکستان حربیلری تامانیدن کنر ولایتیده اویوشتیریلگن هجوم عاقبتیده بیر تینچ اهالی جان بېریب و بیر عیال یرهلنگن.
ایتیلیشیچه اوشبو هجوم، بوگون اېرتهلب ساعت ۹:۳۰ دقیقهده کنر ولایتی ناری اولسواللیگیده اویوشتیریلگن.
شونینگدېک، طالبان پاکستان تامانیدن پکتیکا ولایتینینگ شکین اولسواللیگیده هم هجوم اویوشتیریلگنینی ایتگن.
طالبانگه کۉره، بو هجوم نتیجهسیده جانی قربانلیک اۉرتهگه کېلمهگن.
ایتیش کېرهک که طالبان و پاکستان اۉرتهسیده هییت کونلری آتیش-کېسین تامینلنگن اېدی و بو مدت ایچیده طالبان یالغیز هییتنینگ بیرینچی کونی پاکستان تامانیدن نورستان ولایتیده بیر هجوم اویوشتیریلگنینی ادعا قیلدی.
