کنر ولایتی امنیه قوماندانلیگینینگ ایتیشیچه، کنر ولایتینینگ شیگل اولسواللیگیده پارتلهمهگن اۉق پارتلشی عاقبتیده ایکّی باله یرهلنگن.
طالباننینگ کنر ولایتی امنیه قوماندانلیگی سۉزلاوچیسی فرید دهقان حادثه تیناوون (شنبه، ۱- حمل) شیگل تومنینینگ «گرگو» حدودیده صادر بۉلگنینی ایتدی.
اونینگ سۉزلریگه کۉره، جراحتلنگن بالهلر دوالنماقده، بیراق اولرنینگ احوالی آغیر دېب بهالنماقده.
افغانستان نینگ تورلی ولایتلریده اوروشدن قالگن ماینلر و پارتلهمهگن اۉق-داریلر کۉپلب تینچ اهالی، اینیقسه بالهلر حیاتیگه ضامن بۉلیب کېلماقده.
اۉنلب ییللر دوام اېتگن اوروش نتیجهسیده مملکت حدودی نینگ کتّه قِسمی ماینلر و پارتلاوچی مادّهلر بیلن افلاسلنگن.
بیرلشگن ملتلر تشکیلاتی معلوماتلریگه کۉره، افغانستانده تخمیناً۳ میلیون کیشی ماینلر و پارتلاوچی مادّهلر بیلن افلاسلنگن حدودلرنینگ بیر کیلومتر مصافهسیده یشهیدی.
