بیرلشگن ملتلر تشکیلاتینینگ بالهلرنی حمایهلش جمغرمهسی یا ده «یونیسف» بیر گزارش نشر قیلیب، یقین شرقده اوروش باشلنگنیدن بېری کۉپلب بالهلر جان بېرگنی رویخطگه آلینگنیدن خبر بېردی.
بو تشکیلات تامانیدن نشر اېتیلگن معلوماتگه کۉره، مذکور تۉقنهشوولر باشلنگنیدن بېری حاضرگچه ۲ مینگ و ۱۰۰ دن آرتیق باله جان بېرگنی و یرهلنگنی انیقلنگن.
گزارشگه کۉره، اوروش باشلنگنیدن بېری هر کونی اۉرتهچه ۸۷ باله اوروش عاقبتیده اۉلیب و یرهلنهدی.
دېیرلی اوشبو قربانلردن کۉپینچهسی ایران و لبنانده رویخطگه آلینگن.
حسابات اساسیده، ایرانده ۲۰۶ باله، لبنانده ۱۱۸ باله، اسراییلده تۉرت باله و کویتده بیر باله جان بېرگن.
شونینگدېک یونیسف بو اوروشلر نتیجهسیده میلیونلب کیشی بدرغه بۉلگنی حقیده هم خبر بېرگن.
