ینگی ترجمه قیلینگن 2000 ییللیک دیوالر یازوولری هندوستاندن کېلگن سیاحلرنی شاهلر وادیسیده بۉلگنلیگینی اثباتلهیدی
آرت نیوزنینگ خبر بیریشیچه؛ شاهلر وادیسی مصرده، نیل دریاسی بۉییده یېرلشگن بۉلیب، دنیادهگی اېنگ مشهور سیاحلیک مسکنلریدن بیری دیر. ینگی ترجمه قیلینگن دیوار یازوولری (Graffiti) شونی کۉرستهدی که، آدملر جوده ایسکی کېزلردن بېری اوزاق و یقین حدودلردن بو یېرگه کېلیب، اۉز ایزلرینی قالدیریش اوچون قبرتاشلر دیوارلریگه آتلرینی یازیب کېتگنلر.
شو آینینگ باشیده (Live Science Chennai) هندوستانده فبروری آییده اۉتکزیلگن کنفراس نتیجهلری حقیده خبر بېردی. اونده مصردهگی آلتیته مقبره دیواریده تاپیلگن 2000 ییللیک یازوولرنینگ بیر نېچتهسی ترجمه قیلینگنی ایتیلهدی .
ینگی ترجمه قیلینگن متنلر-اېسکی تامیل، سانسکریت و خاروشتی تیللریده میلادی 3-1 عصرلرگه عاید سنهلهدی. شونینگدېک، شاهلر وادیسیدهگی مصر مقبرهلریدن یونان و روم یازوولری موجودلیگیگه عاید دلیل هم بار.
باستانشناسلر/ارکیالوگلر بو یازوولرنینگ بارلیگینی 19 عصردن بېری بیلیشگن، بیراق متنلر یقیندهگینه ترجمه قیلیندی. “سیکای کوررن” آتلی شخص اۉز آتنی قدیمگی تامیل تیلیده بېشته مقبرهده سکیز مرته یازیب، شوندهی دېگن: “سیکای کوررن بو یېرگه کېلدی و کۉردی.”
چارلوت شمید، اوزاق شرق فرانسیهلیک مکتبی تدقیقاتچیسی، کنفرانسده تقدیمات قیلدی. او “سیکای کوررن” احتمال جنوبی هندوستاندن بۉلگنینی تخمین قیلدی. شونینگدېک، او یازوو مقبرهلر دیوارینینگ جوده بلند جاییدن تاپیلگنلیگینی ایتدی. بیراق، نیمه سببدن یاکه قندهی قیلیب یازیلگنی بیللی اېمسلیگینی تاکیدلهدی. شمید بو حقده: ” آچیغی بو جوده غلتی” دېدی و کوررننینگ کۉپ مرته یازگنی همده یازوولرنینگ یېرلهشوویگه اشاره قیلدی.
جرمنلیک مصر شناس پروفیسور الیکسندیره وان لیوین، لایف ساینس Live Science گه بېرگن انترویوسیده هند تیللریدهگی یازوولر “نهفقط هندلرنینگ مصرده بۉلگنینی، بلکه اولرنینگ بو یېر مدنیتیگه فعال قیزیقیش بیلدیرگنینی هم اثبات قیلهدی،” دېدی.
