بیرلشگن ملتلر تشکیلاتینینگ باش کاتبی آنتونیو گوترش، امریکا و اسراییلنینگ ایران بیلن اوروشینی تۉختهتیشگه همده ایراننینگ منطقه دولتلریگه هجوملرینی تۉختهتیشگه چقیردی.
بیرلشگن ملتلر تشکلاتی نینگ باش کاتبی ایکس اجتماعی ترماغیده دهگی بیاناتیده یقین شرقدهگی اوروش حددن تشقری اوزاق دوام اېتگنی و کېسکینلشگنینی تأکیدلهدی.
آنتونیو گوترشگه کۉره، «مېنینگ امریکا و اسرایلگه مراجعتیم، اېندی اوروشنی توگهتیش وقتی کېلدی. چونکه انساني عذابلر چوقورلشماقده، تینچ اهالی آرهسیدهگی قربانلر آرتماقده و گلوبل اقتصادي تأثیرلر تاباره ویرانکار توس آلماقده.»
آنتونیو گوترش جنابلری شونینگدېک، ایراننی هم آگاهلنتیریب: «مېنینگ اېران اوچون پیامیم ماجرا طرفلری بۉلمهگن قۉشنی دولتلرگه هجوملرنی تۉختهتسین،» دېدی.
حاضرده امریکا و اسرایلنینگ ایران بیلن اوروشی ۲۷-کونیگه کیرگن بۉلیب، اونینگ بوتون منطقهگه یاییلیشیدن خواطرلر آرتیب بارماقده.
امریکا و اسرایل هجوملری باشلنگنیدن سۉنگ، ایران هم منطقهدهگی امریکا مرکزلریگه راکت و درون هجوملرینی باشلهگن.
منطقه دولتلری بو هجوملرنی اۉز حاکمیتینینینگ بوزیلیشی دېب بهالب، اولرنی تۉختهتیشگه چقیرماقده. شو بیلن بیرگه، اولر ایران هجوملریگه جواب بېریش حقوقینی اۉزیده سقلب قالهیاتگنینی بیلدیرگن.
