بیرلشگن عرب امیرلیکلری مدافعه وزیرلیگینینگ اعلام قیلیشیچه، بو مملکت تامان ایران راکت هجوملری عملگه آشیریلگن.
اوشبو وزیرلیک اجتماعی صحیفهلرده نشر قیلگن بیاناتیگه کۉره، اولر ایران راکتلرینی اوریب توشیریش مقصدیده عملیات باشلهگن.
بو بیانات اساسیده، ایران خوفسیزلیک کوچلری ینگی هجوملریده بیرلشگن عرب امیرلیکلری حدودینی نشانگه آلیشگه اورینگنی بیلینهدی.
حاضرگچه اوشبو هجوملر انیق قیسی مقصدنی نشانگه توتیشی بېللی اېمس.
عینی حالده، بیرلشگن عرب امیرلیکلریده تۉقنهشوو سېسلری هم اېشیتیلگنی ایتیلهدی. بو مملکت مدافعه وزیرلیگی اوشبو سېسلرنی ایران راکتلری اوریب توشیریلیشیگه تېگیشلی دېب معلوم قیلگن.
ایتیش کېرهک که بوندن ایلگری، بیرلشگن عرب امیرلیکلری ایران هجوملریگه قرشی بو مملکت هوا مدافعه تیزیمی فعال اېتیلگنی حقیده خبر بېرگن اېدی.
