لاجورد یۉلی تدقیقات مرکزی آنلاین بیر ییغین اۉتکزیب، افغانستان اوزگریشلری و خوفسیزلیک معمالرینی بحث گه آلدی.
اوشبو ییغین «ژئوپلیتیک رادیوکالیزم؛ افغانستان اوزگریشلری و خوفسیزلیک معمالری» عنوانی آستیده اۉتکزیلیب افغانستانده اساسی بیر اوزگریش حقیده فکرلر بیلدیریلدی.
ییغینده، لاجورد یۉلی تدقیقات مرکزی باشلیغی عالیه ییلماز، سابق دیپلومات و تدقیقاتچی محمد محق، سابق حکومت ایچکی ایشلر وزیرلیگینینگ جنایتلرگه قرشی کورهش بۉلیمی باشلیغی بسم الله تابان و باشقه بیر قنچه فعاللر اشتراک اېتدی.
اوشبو ییغینده، افغانستانده اساسی بیر اوزگریش اۉرتهگه کېلیشی اوچون اقتصادی و جغرافیه عامللری تیکشیریلدی.
شونینگدېک، ییغین اشتراکچیلری اۉز نطقلریده، طالبان حاکمیتیدهگی افغانستانده بو گروه مفکورهسی اساسیده بۉلگن رادیکالیزم قۉللب-قوتلنیشی همده افغانستان و منطقهدهگی سۉنگّی اوزگریشلر عاقبتلری حقیده هم تۉختهلیب اۉتدیلر.
ایتیش کېرهک که لاجورد یۉلی تدقیقات مرکزی بوندن یقین ۲۰ کون ایلگری هم افغانستانده و منطقهدهگی اوزگریشلر عاقبتلری حقیده آنلاین بیر ییغین اۉتکزگن اېدی.
