طالبلر صناعت و تجارت وزیرلیگینینگ معلوم قیلیشیچه، افغانستان خصوصي سکتوری همده اۉزبېکستاننینگ نمهنگان ولایتی اۉرتهسیده ۵۱۴.۸ میلیون دالر قیمتیدهگی همکارلیک شرطنامهسی تورلی ساحهلرده امضالندی.
وزیرلیک بیاناتیگه کۉره، اوشبو کېلیشوولر ایکّی تامان اۉرتهسیدهگی تجارت علاقهلری کنفراسی دایرهسیده امضالنگن.
طالبان صناعت و تجارت وزیرلیگینینگ تأکیدلشیچه، بو شرطنامهلر قوییدهگی یۉنهلیشلرنی اۉز ایچیگه آلهدی: افغانستانده پرنده (جۉجه) فابریکهسی تشکیل اېتیش، سمنت و کۉمیر ایمپورت-اېکسپورتی، لوبیا و ماش سوداسی، اسفالت، قوریتیلگن مېوهلر و سبزواتلر اېکسپورتی، یاغ، بنزین، بیتوم (قیر)، مس و آزیق-طعام محصولاتلری ایمپورتی، ایچیملیکلر اېکسپورتی، سپورت خدمتلری و تخم یۉنهلیشیدهگی پرندهچیلیک ایشلب چیقریشی.
اۉزبېکستاننینگ نمنگان ولایتیدن سوداگر هیئاتی ولایت حاکمی باشچیلیگیده تیناوون کابلگه یېتیب کېلدی و طالبان رسميلری بیلن اقتصادي همکارلیکنی کېنگهیتیریش مسألهلرینی محاکمه قیلدی.
اوشبو هیئت مملکت شِمالیدهگی بلخ ولایتیگه هم تشریف بویوریشی رېجهلشتیریلگن بۉلیب، مزاری شریف شهریده اۉزبېکستان محصلاتلری و ایشلب چیقریشلری کۉرگزمهسینی آچیشی کوتیلماقده.
