اۉزبېک تیوی بیلن شریک اېتیلگن معلوماتگه کۉره، عبدالله اوچقون جنابلرینینگ قلمیگه منسوب «یرهلی چېچکلریم» عنوانلی شعرلر تۉپلمی چاپدن چیققن.
اۉزبېک فعاللردن نقیبالله عبید اۉزبېک تیوی گه، جناب اوچقوننینگ اوشبو ایجادی بوتونلهی اۉزبېچه شعرلردن عبارت بۉلیب، چاپدن چیققنی ایتهدی.
ایتیلیشیچه، بو اثر افغانستان اۉزبېکلرینینگ تانیقلی و ییریک ادبي سیماسی شفیقه یارقیننینگ تقریظی بیلن ادبیات و شعریت اخلاصمندلریگه تقدیم اېتیلگن.
شونینگدېک، بو حقده بۉلگن معلوماتده، اوشبو ادبی اثر اۉچقون جنابلرینینگ سرهلنگن، نفیس و دلگه یقین شعرلریدن عبارت بۉلگنی هم قۉشیمچه قیلینگن.
عینی حالده، نقیبالله عبید جنابلری اوشبو ادبی اثرنی تقدیمات مراسمی جوزجان ولایتی آقچه اولسواللیگیده هم اۉتکزیلیشی ریجهلشتیریلیب تورگنینی معلوم قیلگن.
ایتیش کېرهک که عبدالله اۉچقون جنابلری جوزجان ولایتینینگ ییریک و تانیقلی شاعرلریدن بیری بۉلیب، کۉپ ییللردن بېری شعریت و ادبیات ساحهسیده فعالیت یوریتیب کېلماقده. شونینگدېک، جناب اوچقون معارف ساحهسیده هم اوزاق ییللردن بویان جوزجان بالهلری و یاشلرینی تربیهلش یۉلیده خذمت قیلیب کېلهیاتگن سیما دیر.
