اندخویده اخیرگی کونلر ایچیده، اۉغیرلیک واقعهلر کۉپهییشی بیلن بیر وقتده، اندخویدن بۉلگن بیر منبعنینگ ایتیشیچه کۉپلب واقعهلر حقیده خبر قیلینمهی و اۉغیرلیک واقعهلردن آز بیر نیچهسی ترقهلدی.
بو بیلن اندخویلیک بو منبع اندخویده اۉغیرلیک واقعهلری خواطرلی درجهده آشگنینی معلوم قیلهدی.
شونینگدېک، اندخوی اهالیسی بو واقعهلرده طالبان اعضالرینی قۉلی بارلیگینی ایتیب، بو اولسواللیکده طالبان اعضالری تامانیدن بیر اۉغیرلیک باندی توزالگنینی ادعا قیلهدی.
منبعلردن بیرینینگ اۉزبېک تیوی گه ایتیشیچه: «اندخویده بیر باند اۉغریلر تاپیلگن که اولر امنیه قومندانی و جنایی آمری حمایهسیده دیر.»
اندخویلیک منبعنینگ آرتیقلشیچه، اندخویده یوز بېرگن اخیرگی واقعهلر حقیده طالبان مسووللرینینگ جیملیگی اولر بو واقعهلرده قۉلی بارلیگینی کۉرسهتدی.
ایتیش کېرهک که بیر هفته ایلگری، اندخوی شهریده طالبان یونیفورمیده بۉلگن قوراللی تۉرت کیشی ایکّی زرگرنی اۉلدیریب کېتدی. شونینگدېک اۉتگن کیچه هم ینه بیر واقعهده قوراللی اۉغریلر بیر سراینی تالان-تاراج قیلیب کېتگنی ایتیلهدی.
