بیرلشگن ملتلر تشکیلاتی بالهلرنی حمایهلش صندیغی یا-ده «یونیسف»نینگ اعلام قیلیشیچه، افغانستانده تۉییب-آوقتلنمسلیککه چلینگن ۶۱۰ مینگ باله دوالنگن.
یونیسف بوگون سهشنبه ۱۱ – حمل، ترقهتگن حساباتیده اوشبو بالهلر اۉتگن میلادی ییلی دوامیده دوالنگنینی معلوم قیلدی.
شونینگدېک بیرلشگن ملتلر تشکیلاتینینگ بو ادارهسی، میلادی ۲۰۲۶ – ییلی دوامیده افغانستانده تۉییب-آوقتلنمسلیکدن اذیت چېکهیاتگن ۱.۳ میلیون بالهنی دوالشنی ریجه قیلگنینی هم اعلام قیلگن.
ایتیش کېرهک که افغانستاننینگ آغیر اقتصادی وضعیتی باعث، تۉییب-آوقتلنمسلیک کسللیگی ییللردن بېری اهالی آرهسیده اینیقسه بالهلر ایچیده کېنگ کۉلمده موجود بۉلگن معما دیر.
اوشبو معما، طالبان حاکمیتگه قیتگنیدن بېری ینه-ده آغیرلشگن.
