طالبلر نظارتیدهگی افغانستان احصاییه و معلومات ملی ادارهسی، قویاش ۱۴۰۴ – ییلی دوامیده، ۲۸ مینگ و ۴۷۴ چېتاېل وطنداشلری افغانستانگه کیریب-چیقیشی رویخطگه آلینگنینی معلوم قیلدی.
اوشبو اداره معلوماتیگه کۉره، اۉتگن ییلی ۷۲۸ عیال شامل ۱۶ مینگ و ۲۷۶ کیشی چېگره یۉللری و قۉنالغهلر آرقهلی افغانستانگه کېلگن و ۱۵۸ عیال شامل ۱۲ مینگ و ۱۹۳ کیشی هم مملکتنی ترک اېتگن.
طالباننینگ اوشبو ادارهسی بو شخصلر جملهسیدن ۲ مینگ و ۳۶۹ کیشی سیاحت، ۱۱۵ کیشی اۉقیش و قالگن ۱۳ مینگ و ۱۱۵ کیشی هم ایشلش مقصدیده، افغانستانگه کېلگن.
ایتیش کېرهک که اخیرگی ییللر دوامیده، دنیانینگ کۉپلب مملکتلری اینیقسه امریکا، بریتانیا و استرالیا اۉز وطنداشلرینی افغانستانگه سفر قیلمسلیکلرینی توصیه قیلگن.
بو مملکتلرنینگ اعلام قیلیشیچه، طالبان حاکمیتیده بۉلگن افغانستان خوفسیز اېمس همده چېتاېل وطنداشلری طالبان تامانیدن حبسگه آلینیشی هم ممکن دیر.
