نشر اېتیلگن خبرلرگه کۉره، طالبان و پاکستان، چین واسطهچیلیگیده مذاکره اۉتکزیشگه قرار قیلگن.
افغانستانانترنشنل تلویزیون کانالی هم اۉزینینگ دیپلوماتیک منبعلری معلوماتلریگه تهینیب، بو مساله حقیده خبر بېرگن.
ایتیلیشیچه، طالبان وکیللری پاکستان بیلن مذاکره اۉتکزیش مقصدیده چینگه سفر قیلگن.
دېمک اۉتگن کون چین و پاکستان تشقی ایشلر وزیرلری، افغانستان مسالهسی حقیده صحبتلشگن اېدی.
اوشبو مذاکرهلر شوندهی بیرحالده دیر که طالبان و پاکستان اۉرتهسیدهگی کېلیشماوچیلیکلر دوام اېتماقده.
طالبان و پاکستان بوندن ایلگری هم تورکیه و قطر کبی ایریم مملکتلر واسطهچیلیگیده مذاکره اۉتکزگن اېدی. بیراق بو مذاکرهلر نتیجه بېرمهدی.
طالبان شوندی بیرحالده پاکستان بیلن مذاکره اۉتکزیشگه قرار قیلگن که پاکستان اخیرگی بیر آی ایچیده، افغانستان تورلی حدودلریده کۉپلب هوا هجوملرینی اویوشتیردی.
پاکستاننینگ اعلام قیلیشیچه، بو هجوملرده طالبانگه تېگیشلی حربی مرکزلر و انبارلر نشانگه توتیلگن.
پاکستاننینگ اینگ مهم هوا هجوملریدن بیری بو کابلدهگی امید کسلخانهسیگه اېدی که اوشبو هجوم کېنگ مناسبتلرگه سبب بۉلدی.
پاکستان بو هجومدن کېین، طالباننینگ بلخ ولایتیدهگی قولاوردوسیگه هم هوا هجومینی اویوشتیردی.
شونینگدېک بو وضعیتده، پاکستاننینگ چېگره حدودلرده هم هجوملری دوام اېتماقده و طالبان هم یقینده کنر ولایتیدهگی چېگره حدودلرده پاکستان بیر پوستهسینی یۉق اېتگنینی ادعا قیلدی.
