نېگه “پوشتی آی” دېب اتهلهدی؟
بو آی پوشتی رنگده کۉرینیشی سببلی اېمس. بلکه، بو اتهمه آی تاپیلهدیگان ییل بیلن باغلیق دیر.
اولد فارمرس الیمینک(Old Farmer’s Almanac) بیلگیلریگه کۉره؛ اوشبو آت بهارنینگ باشیده آچیلگن «کِریپینگ فلاکس» یا «ماس فلاکس» دېب اتهلوچی یاوایی گلگه اشاره قیلهدی. بو گل “Moss pink/ ماس پینک” آتی بیلن هم تانیلگن بۉلیب، شمالی امریکانینک شرقی حدودلریگه خاص دیر. بو حقده تودی آژانسی خبر بېرگن.
اوشبو گل اپریل آییده تۉلین آی وقتیده تۉلیق گللهیدی و شو سببلی توبجای (بومی) امریکالیکلر، استعمارلیک دورلریدهگی امریکالیکلر همده، اروپالیکلر عنعنهلریده “پوشتی آی” دېب اتهلگن.
قیزیقرلیسی شوندهکه، پوشتی آی ناسا نینگ (Artemis 2) ماموریتی اوچیریلیشی رېجهلشتیریلگن کونیکه تۉغری کېلهدی. آیگه یۉل آلیشدن آلدین یېر تېگرهسیده ایکّی مرته ایلنهدیلر. ناسا 2028 ییلده هم انسانلرنی ینه آیگه یوباریش قراری آلینگنینی بیلدیرگن.
استرانوم کیتریننینگ ایتیشیچه؛ اپریل آییدهگی “پوشتی آی”نی کۉریش اوچون اېنگ یخشی وقت 1-اپریل، کېچکی ساعت 10:12(شرقی امریکا وقتی) دیر.
اېنگ یخشی یۉنهلیش کۉریش اوچون: آچیق یېرگه چیقیب، آینینگ افقدن کۉتریلیشینی کوزهتیش دیر.
