یقین شرق حدودیده، امریکا و اسراییلنینگ ایرانگه قرشی هجومی آرتیدن باشلنگن اوروش و تۉقنهشوولر دوام اېتر اېتکن، اۉزبېکستان حکومتی ینه بیربار، اوشبو کېلیشماوچیلیکلر سۉزلشوو و دیپلوماتیک یۉللر آرقهلی حل اېتیلیشی کېرهک دېب تاکیدلهدی.
اۉزبېکستان تشقی ایشلر وزیری بختیار سعیدوف، بو مملکتنینگ اوشبو یاندهشووینی اۉزبېکستانده ایران اسلامی جمهوریتینینگ فوقالعاعده وکیلی و اېلچیسی محمدعلی اسکندری بیلن اۉتکزگن اوچرهشوویده تیلگه آلگن.
شونینگدېک بو اوچرهشووده، هر قندهی کېسکینلشوولر جدّیلشیشی خوفلی انسانی وضعیت و ناتینچیلیکلرنی اۉرتهگه آلیب کېلیشی ممکنلیگی هم تاکیدلنگن.
ایتیش کېرهک که ایراننینگ امریکا و اسراییل بیلن اوروشی دوام اېتماقده.
جاری میلادی ییلنینگ ۲۸ -فبروری کونی باشلنگن اوشبو اوروش و تۉقنهشوولر مینگلب کیشی اۉلیب و یرهلنیشیگه سبب بۉلیشی قۉشیمچه، دنیا اقتصادی و تجارتی اوستیگه هم سلبی تاثیر تشلهگن.
