طالبان ساغلیقنی سقلش وزیرلیگی بوگون پنجشنبه ۱۳ – حمل بیر بیانات نشر قیلیب، کابلده قزاقستان مملکتی تامانیدن ۱۰۰ اۉرینلی بیر کسلخانه قوریلیشی حقیده خبر بېردی.
بو حقده نشر اېتیلگن بیاناتگه کۉره، اوشبو کسلخانه تخصصی و یوقاری تخصصی تعلیم کسلخانهسی بۉلیب، قزاقستان حکومتی تامانیدن قوریلهدی.
شونینگدېک، طالبان ساغلیقنی سقلش وزیرلیگی بو کسلخانه قوریلیشی خصوصیده تیارگرلیک کۉریش اوچون بیر ییغین اۉتکزیلگنیدن هم خبر بېردی.
ییغینده، کسلخانهنینگ لایحهسی، رېجهسی و دیزایننی یکلونتیریش بۉییچه فکر المشتیریلگن.
بوندن تشقری، بو لایحهنینگ عمومی دیزاین و رېجهسی تصدیقلنگنینی ایریم ساحهلرده اصلاحاتلر کېلتیریلیشی قرار قیلینگنی هم قۉشیمچه قیلینگن طالبان ساغلیقنی سقلش وزیرلیگی بیاناتیده.
ایتیش کېرهک که قزاقستان بوندن ایلگری، بلخ ولایتیده هم بیر کسلخانه قوریشینی ایتگن اېدی.
