بیرلشگن ملتلر تشکیلاتینینگ انسانلر یشش دستوری «یوان هبیتات»نینگ اعلام قیلیشیچه، تخار ولایتی مرکزی تالقان شهری بېش برابر کېنگهیگن.
اوشبو تشکیلات تامانیدن نشر اېتیلگن معلوماتگه کۉره، تالقان شهری سۉنگّی ۱۹ ییل دوامیده بېش برابر کېنگهیش گواهی بۉلگن.
عین حالده، بیرلشگن ملتلر تشکیلات تېزلیک بیلن شهرلر کېنگهیشی عاقبتلریدن هم آگاهلنتیرگن.
بو تشکیلاتنینگ تاکیدلهشیچه، افغانستانده تېز کېنگهییب بارهیاتگن شهرلر یخشی باشقیریلمهگن تقدیرده کېلهسی اولادنی معمالر بیلن دوچ قیلهدی.
تشکیلاتگه کۉره، شهرلر تېزلیک بیلن کېنگهیشی کېلهجکلرده آست-قورمهلر و امکانیتلر یېتیشماوچیلیگینی اۉرتهگه آلیب کېلیشی ممکن.
ایتیش کېرهک که بیرلشگن ملتلر تشکیلاتینینگ اوشبو ادارهسی بوندن ایلگری هم باشقه بیر قنچه شهرلرنی هم تېزلیک بیلن کېنگهییب باریشیدن خبر بېرگن اېدی.
تشکیلات معلوماتیگه کۉره، تورلی سببلر باعث افغانستاننینگ کۉپلب اهالیسی شهرلرگه کۉچیب کېلماقده.
