مهاجرلر احوالیگه ییتیشیش بۉییچه طالباننینگ عالی کمیسیونی تامانیدن نشر اېتیلگن معلوماتگه کۉره، اۉتگن کون ینه ۳۰۹ عایله ایران و پاکستاندن افغانستانگه قیتریلگن.
بوحقده نشر اېتیلگن معلوماتگه کۉره، اوشبو مهاجرلر ۱ مینگ و ۴۳۵ کیشیدن عبارت بۉلیب اولر اۉتگن کون دوامیده مملکتگه کېلگن.
مذکور مهاجرلر، تورخم، سپین بولدک، اسلام قلعه و ابریشم کۉپریگی چیگره یۉللری آرقهلی افغانستانگه قیتریلگن.
طالبان بو مهاجرلردن بیر قنچهسی یاردم کۉرسهتیلگنینی هم اعلام قیلگن.
ایتیش کېرهک که اخیرگی ییللر دوامیده، ایران و پاکستاندن کینگ کۉلمده مهاجرلر چیقریلیب، افغانستانگه قیتریلیشی مملکتده ایشسیزلیک رقمینی یوقاری آلیب کېتیب، اقتصادی و اجتماعی باسیملرنی آشیرگن.
