پاکستان و طالبان اۉرتهسیده کېلیشماوچیلیکلر و چیگره تۉقنهشوولری دوام اېتر اېتکن چین تشقی ایشلر وزیرلیگی ینه بیربار ایکّی تاماندن تارتیشوولرنی سۉزلهشوو آرقهلی حل اېتیشلرینی سۉرهدی.
چین تشقی ایشلر وزیرلیگینینگ سۉزلاوچیسی ماو نینگ اۉتکزگن خبری بیر ییغینده بو مسالهنی تیلگه آلگن.
چین تشقی ایشلر وزیرلیگی سۉزلاوچیسینینگ بو طلبی شوندی بیرحالده دیر که حاضر اوشبو مملکت واسطهچیلیگیده طالبان و پاکستان وکیللری مذاکره اۉتکزماقده.
اوشبو مذاکره بیلن بیر وقتده، طالبان و پاکستان کوچلری اۉرتهسیده حربی تۉقنهشوو یوز بېرگن.
ایتیش کېرهک که اخیرگی بیر آی دوامیده، طالبان و پاکستان تۉقنهشوولری نتیجهسیده یوزلب کیشی اۉلیب و یرهلندی.
