بیرلشگن ملتلر تشکیلاتینینگ بالهلرنی حمایهلش جمغرمهسی «یونیسف» یقینده نشر قیلگن حساباتیده، ینه بیربار افغانستانده میلیونلب کیشی انسانپرورلیک یاردملرگه محتاج دېب اعلام قیلدی.
یونیسف حساباتیگه کۉره، افغانستانده ۲۱.۹ میلیونگه یقین کیشی، جملهدن ۱۱.۶ میلیون باله انسانپرورلیک یاردملرگه محتاج دیر.
شو بیلن بیرگه، بیرلشگن ملتلر تشکیلاتینینگ بو ادارهسی افغانستانده محتاج شخصلرگه یاردم یېتکزیش اوچون ۹۵۰ میلیون دالر بودجه کېرهک دېب هم معلوم قیلگن.
ایتیش کېرهک که طالبان افغانستان حاکمیتیگه قیتگنیدن بیری، اقتصادی وضعیت آغیرلشیب، کۉپلب انسانلر تیریکچیلیکلری اوچون یاردملرگه محتاج بۉلیب قالگن.
اۉتگن ییللر دوامیده، میلیونلب دالرلیک یاردملر ترقهتیلگن بۉلسه هم بیراق حاضرگچه اوشبو یاردملر محتاجلر رقمی آزهیگن اېمس.
بو شوندی بیرحالده دیر که اخیرگی وقتلرده، خلقارا یاردم بیرووچی تشکیلاتلر هم یاردم یېتکزیش اوچون بودجهلری آزلیگینی معلوم قیلگن.
