سمنگان ولایتیدن ایشانچلی منبعلرنینگ اۉزبېک تیوی گه ایتیشیچه، بو ولایتده طالباننینگ جهادی مدرسهسی زور بیلن تجربوی لیسهسینینگ بناسینی اۉزی اوچون آلیب، بو لیسهنی کېچیک بیر حویلیگه کۉچیشگه مجبورلنتیرگن.
منبعلرنینگ ایتیشیچه، طالباننینگ جهادی مدرسهسی مسووللری طالبان ایچیدهگی نفوذلری سبب، تجربوی لیسهسینی ناراضلیکلرگه تَن بېرمهی اۉزلری اوچون باسیب آلگن.
شونینگدېک، سمنگان ولایتی مرکزی آیبیک شهریده اوزاق ییللردن بیری فعال بۉلیب کېلگن تانیقلی مکتبلردن بۉلمیش تجربوی لیسهسی کېچیک بیر حویلیگه کۉچیریلگن.
طالبان جهادی مدرسهسینینگ بو حرکتی ناراضلیکلرگه هم سبب بۉلگن بیراق طالبان اهالی همده مکتب اۉقیتووچیلری و اۉقووچیلرینینگ بو ناراضلیگینی اعتبارسیز قالدیرگن.
منبعلر مذکور لیسه کۉچیریلگن حاضرگی حویلی، بو مکتب فعالیتی اوچون یېترلی امکانیتگه ایگه بۉلمهگنینی ایتهدی.
ایتیش کېرهک که طالباننینگ اوشبو مدرسهسی بوندن آلدین هم افغانستان ایریم ولایتلریده خاص جایلرنی اۉزیدن قیلیب آلگن اېدی.
