بیرلشگن ملتلر تشکیلاتینینگ بالهلرنی قۉللب-قوتلش بۉلیمی یا -ده «یونیسف»نینگ اعلام قیلیشیچه، افغانستانده ۲۰ میلیوندن آرتیق اهالیگه ساغلیق خذمتلری ترقهتیلگن.
یونیسف، بوگون سهشنبه ۱۸ – حمل، ایکس صحیفهسیده نشر قیلگن معلوماتیده اوشبو خذمتلر میلادی ۲۰۲۵ – ییل دوامیده، یونیسف تامانیدن قۉللب-قوتلنگن ساغلیق مرکزلری آرقهلی کۉرسهتیلگنینی معلوم قیلدی.
یونیسفگه کۉره، بو تشکیلات تامانیدن کۉرسهتیلگن ساغلیق خذمتلریدن فایدهلنگن اهالینینگ ۶۰ فایزینی عیاللر تشکیل اېتگن.
شونینگدېک، یونیسف اۉز بیاناتیده، مذکور یاردملر آسیا ترقیات بانکی و جهان بانکینینگ جنوبی آسیا بۉلیمی همکارلیگیده عملگه آشیریلگنینی هم بیلدیرگن.
ایتیش کېرهک که افغانستانده ساغلیق خذمتلری یېتیشماوچیلیگی اوزاق ییللر دیر که جدّی شکایتلرگه سبب بۉلیب کېلماقده.
