بوگون اۉزبېک طلبهلریگه نسبتاً صادر اېتیلگن بو حقارت ملي شان، انساني قدر-قیمت و عدالت تمایللریگه آچیقدن-آچیق قرشی چیقیشدیر.
بوندهی تحقیر و کمسیتیشلر جمعیتده نفرت اوروغینی ساچهدی، ایشانچنی یېمیرهدی و کېلهجکنی قارانغاو قیلهدی.
اگر بوگون بو حقارتگه سکوت قیلینسه، اېرتهگه او ینهده کوچهییب، کېنگراق ظلمگه ایلنهدی. شو نینگ اوچون بوندهی حالتلرگه قرشی آواز کۉتریش هر بیر وجدانلی انسان نینگ بورچیدیر.
ملتنی تحقیرلش — تاریخنی، غرورنی و کېلهجکنی تحقیرلش دېمکدیر.
تورک آنت ایچسه، سۉزیدن قَیتمهیدی؛ بو قیلینگن حقارتلر هم هېچ قچان اونوتیلمهیدی.
بو سۉزلر شونچهکه عباره اېمس بو غرور، خاطره و عدالتگه بۉلگن قطعي صداقت افادهسیدیر.
ظلم اۉتکینچی، اما حقیقت و خاطره ابديدیر. شو نینگ اوچون بوگونگی حقیقتنی اونوتمسلیک، اونی ایتیش و اونگه قرشی توریش کېلهجک آلدیدهگی مسوولیتیمیزدیر.
تورکستان اېللری اۉقوو، مدنیت و یاردملشمه اویوشمهسی یاشلر بۉلیمی باشلیغی روحالله پیمان
